Кандидатурата на Хари Локвенец за градоначалник на Прилеп, СДСМ со гордост ја објави уште во јуни, оваа година, a ВМРО-ДПМНЕ пет месеци не може да најде негов противкандидат, стои во реакцијата од СДСМ на прес – конференцијата на пратеникот Димитар Стевананџија.
– Фактот што Хари Локвенец е сопственик на фирма 20 години, со исто име и иста жиро сметка, е потврда за неговото чесно работење и неговата успешност. Фирмата „Гинис“ ниту ја приватизирала, ниту ја купила фирмата „Ридтекс“, туку еден објект на оваа фирма и тоа на јавно наддавање, во февруари 2008-ма година!, се вели во реакцијата.
Од СДСМ потенцираат дека во Прилеп и во цела Македонија, Локвенец е вистински човек за градоначалник и прилепчани го препознаваат тоа.