СДСМ: ВМРО-ДПМНЕ ги интензивира лажните вести како што им се ближи поразот

Од:

„Во отсуство на реални политики и мерки ВМРО-ДПМНЕ и извршителот Христијан Мицкоски своето делување го базираат на валкана кампања и неосновани обвинувања, затоа што ништо друго и не знаат.

Од белиот дворец, во нивен познат стил ВМРО-ДПМНЕ секојдневно пласираат лажни вести и невистини.

Таквите лаги ќе се интензивираат како што ќе наближува 12 април и извесниот пораз на ВМРО-ДПМНЕ“, реагираат од СДСМ на изјавата на Ружица Николовска од ВМРО-ДПМНЕ.

„Дека очајот во ВМРО-ДПМНЕ кулминира потврдуваат неоснованите напади врз претседателот Заев и членови на неговото семејство.

Лагите на ВМРО-ДПМНЕ и претходно се потврдија дека се со краток рок, доказ за тоа е и случајот за изречена клевета од страна на Александар Николовски , во слична ситуација, кога неосновано ширеше лаги во јавноста.

Денес таквите лаги ги продолжува Ружица Николовска докажан бранител на криминалот на ВМРО-ДПМНЕ.

Николовска остана запаметена во јавноста како бранител на обвинетите за 27 април, како и обвинети во предмети кои ги водеше своевремено СЈО.

Горан Ѓошевски, Кирил Божиновски, Гордана Јанкулоска, Миле Јанакиески се дел од обвинетите по разни предмети , зад чија одбрана стои токму адвокатката која денес потврдува дека се залага за враќање и обнова на режимот.

Одамна е јасно дека ВМРО-ДПМНЕ и извршителот Мицкоски не можат да понудат ништо освен лаги, конструкции, невистини и измислици преку кои водат негативни, валкани кампањи.

Додека ВМРО-ДПМНЕ лаже, ние ја внесуваме државата во НАТО и ЕУ, додека од белиот дворец штанцаат лажни вести, ние зголемуваме плати, додека Мицкоски брани криминал, ние обезбедуваме правда.

Затоа на 12 април ќе доживеат нов пораз од граѓаните, кои ќе порачаат режим никогаш повеќе“, се вели во соопштението на СДСМ.

Би можело да ве интересира

(ВИДЕО) Кузеска: Никој не е изоставен со пакетот економски мерки за справување со кризата со коронавирусот

Ана Ололовска

(ВИДЕО) Серафимовска: Бараме укинување на државната матура за учебната 2019/2020

Ана Ололовска

СДСМ: Мицкоски и ВМРО-ДПМНЕ сакаат да ги земат парите на граѓаните од вториот пензиски фонд, а не сакаат да се откажат од државното финансирање

Ана Ололовска

ВМРО-ДПМНЕ: Додека Заев и неговите послушници танцуваат со коронавирусот, бројот на заболени постојано се зголемува

Ана Ололовска

СДСМ: Владините мерки обезбедуваат помош за 250.000 работници и 35.000 компании, се бориме за секое работно место

Ана Ололовска

Мицкоски: Кусогледаноста на власта ја спречува Македонија, Естонија ја решава кризата со пари од вториот пензиски столб, мерка за која апелиравме

Ана Ололовска