ВМРО-ДПМНЕ е директен виновник за состојбата на АД Водостопанство. Лошото организациско менаџирање поставено од ВМРО-ДПМНЕ е причина за лошата состојба и долговите на АД Водостопанство, реагира СДСМ на прес-конференцијата на Цветан Трипуновски од ВМРО ДПМНЕ.
„Наспроти игнорантскиот однос на ВМРО-ДПМНЕ кон АД Водостопанство и нивната единствена ориентација кон криминал, провизии и богатеење, СДСМ го решава наследениот проблем.
Владата предводена од СДСМ заедно со надлежното министерство и надлежните институции го препозна проблемот и интензивно се работи на реорганизирање и консолидирање на АД Водостопанство, се со цел наводнувањето на површините низ цела држава да се одвива непречено.
Владата предводена од СДСМ продолжува со решавање на наследените и натрупани проблеми оставени од ВМРО –ДПМНЕ и интезивно работи на подобрување на условите и можностите за работа на земјоделците и вработените во овој сектор.“, објаснува СДСМ во реакцијата.
