Институциите постапуваат согласно своите законски надлежности. МВР постапи соодветно во расчистување на случајот за што навремено ја информираше јавноста. Срамно и неодговорно е ВМРО-ДПМНЕ да политизира убиство се вели во реакцијата од СДСМ на прес конференцијата на пратеникот на ВМРО-ДПМНЕ Миле Лефков кој обвини дека министерот Спасовски ја прикрива вистината за убиството на ракометарот Тот.
– Особено по информациите дека лицето по кое се трага е поддржувач на ВМРО-ДПМНЕ. Што зборуваат фотографиите на кои лицето по кое се трага е сликано со Христијан Мицкоски, по истата изместена логика на ВМРО-ДПМНЕ? ВМРО-ДПМНЕ да престане да си ја ишка мувата од капата и да остави надлежните институции да го расчистат до крај убиството кое го потресе регионот. Денес, никој не е привилегиран пред законите, секој кој сторил какво било кривично дело одговара пред надлежните судови се вели во соопштението од СДСМ.