Смешни и евтини изгледаат обидите на ВМРО-ДПМНЕ за префрлање на одговорноста на друга адреса. Жалиме што со нивниот несериозен и манипулативен пристап, продолжуваат во заложништво да ги држат сите граѓани на Македонија, велат од најголемата опозициска партија.
– Ниту еден пратеник на СДСМ и опозицискиот фронт не гласаше за доверба на Владата, но Никола Груевски и Али Ахмети гласаа. Јавноста многу добро знае дека мнозинството во собранието на сите нивоа го има ВМРО-ДПМНЕ и нивниот коалиционен партнер. Затоа уште еднаш ги повикуваме ВМРО-ДПМНЕ и ДУИ на ист начин како што гласаа доверба на Владата, да го демонстрираат истиот капацитет и во решавањето на проблемите на граѓаните кои што тие самите им ги создадоа – велат од СДСМ.