Врвот на СДСМ во проширен состав вечерва расправаше за новонастаната состојба по одредувањето на мерка притвор за претседателот на општина Центар, Мирослав Шиповиќ.
Градоначалниците на СДСМ да го замрзнат учеството во ЗЕЛС, членовите на опозицијата да го прекинат учеството во работната група во Собранието што треба да го имплементира Извештајот за настаните на 24. декември, а советниците на опозицијата да ја бојкотирата првата наредна седница на советите во сите општини во земјата, се дел од мерките за да се изрази незадоволството и да се стави крај на политички-монтираните случаи и партизираното судство.
За СДСМ акцијата „Претседавач“ е монтиран случај и обвиненијата на сметка на Шиповиќ се со единствена цел да се рекомпонира Советот во Центар и да се спречи објавувањето на документи за „Скопје 2014“, но и за други случаи каде луѓе од власта се вмешани во криминал и корупција.
Мерките и натамошните чекори СДСМ ќе ги соопшти утре.
