Граѓаните добро го знаат ставот на СДСМ за расипничкиот проект „Скопје 2014“. За нас “Скопје 2014“ е’ и ќе остане најголемата пералница на пари, за која после смената на власта ќе направиме целосна ревизија. Факт е дека на големиот митинг на Сојузот за иднината присуствуваа над 70.000 илјади граѓани и ништо не им се случи на спомениците, реагираат од СДСМ на денешната прес-конференција на портпаролот на ВМРО-ДПМНЕ, Александар Бичиклиски.
– Јасно е кои се официјалните ставови и политики на СДСМ и дека тие ги носат исклучиво партиските органи. Советите на партијата се форма во која може да членуваат и лица кои не се членови на СДСМ, да дебатираат и да изнесуваат свои мислења и ставови, но тоа не се официјални партиски политики и ставови. Поради тоа што нема демократски капацитет ВМРО-ДПМНЕ не може да го разбере тоа. Денеска не чувме одговор од ВМРО-ДПМНЕ зошто не ги исклучила од партијата: нивниот претседателски кандидат Тодор Петров, заради неговите анти ЕУ и анти НАТО ставови, Ален Зекиров кој усмрти пешак и поранешниот градоначалник на Карпош Саша Димиќ кој си даде оставка од директорската функција затоа што беше обвинет дека претепал жена која била вработена во ЈСП „Турс“, се вели во реакцијата.