„ВМРО –ДПМНЕ не се менува, таа е истата стара режимска партија која во своите редови има само лични профитери и докажани губитници. Тоа се покажа уште еднаш со носителите на кандидатските листи за пратеници на престојните избори. Имено, во изборната единица број 1, ВМРО-ДПМНЕ и Мицкоски ја имаат Гордана Силјановска добро познатата транзициска политичарка и профитерка. Па така, додека Силјановска министеруваше, нејзиниот сопруг се богатеше преку фри-шопот кој го добил во тоа време и успеал да купи дури 10 дуќани и куќа во Центарот на Скопје од државата, велат од СДСМ.
Според СДСМ, Силјановска е доказ дека ВМРО-ДПМНЕ е во истата режимска матрица, и дека таа е јавен поддржувач на режимот на Груевски и на неговите кадри.
„Тоа го потврди и со тоа што јавно го бранеше упадот на специјалците во А1, ја убедуваше јавноста дека А1 не била нивна мета, ја бранеше диктатурата на Груевски кога ги ништеше медиумите и ја поддржа кандидатурата на Иванов. Непотизмот кој е заеднички и за Сиљаноска и Мицкоски. Имено, синот на Силјановска, студирал кај неа, бил два пати именуван како член на УО на Злетовица, со потпис на Никола Груевски, а Мицкоски беше асистент кај татко му. Таа со години ја лажеше јавноста дека „немала склоност кон функции“и не ја интересирала политиката, а се покажа токму спротивното. Силјановска продава лажен патриотизам исто како режимското ВМРО-ДПМНЕ и Мицкоски. Ги манипулира гласачите дека Договорот од Преспа може да се поништи. ВМРО-ДПМНЕ не нуди ништо ново, само докажани губитници, истрошени политичари и поданици на режимот на Груевски, стои во соопштението на СДСМ.