„Најскапите врби во светот, фамозните, милионски врби на Владата, почнаа да се сушат. И претходно се сомневавме дека врба платена 80 илјади евра трајно ќе биде дел од Вардар“, вели Кристина Костова од СДСМ.
„Сепак, таа е само обична врба, исто како оваа, која ние денеска ја донесовме овде, а ја плативме скромни 250 денари“, додава таа.
Ние повторно после четири месеци преземаме акција за заштита на врбите, но и за заштита на народните пари.
Ако знаеме дека за три врби Владата потроши 250 илјади евра и ако знаеме дека расипнички троши буџетски пари за сè и сешто и при тоа под превезот „уметност“ сокрива огромен криминал, тогаш јасно е дека нашата акција е оправдана.
И во иднина ние ќе продолжиме да носиме врби од 250 денари за да се засадат на местата на исушените, за да спречиме нова неразумна набавка на Владата, со добро познатиот метод на анекс кон договорот.
Ние ќе се заложиме секогаш кога ќе се исуши некоја од врбите, а гледаме дека тоа станува често, да продолжиме да носиме врби, за да не ни објават нов анекс- договор штетен за буџетот.
Можеме и да ѝ кажеме на Владата каде има врби од 250 денари, исти како оние кои ги купија за 250 илјади евра, па заеднички да ја засадиме нашата иднина, заврши Костова.