„За насилство, се осмелуваат да зборуваат тие исти пратеници од ВМРО-ДПМНЕ кои без совест и срам гледаа како Вељаноски, Јанкулоска и Стварески, насилно, со полициски сили, исфрлуваа пратеници од опозицијата со скршена нога и бремени жени од Парламентот?
Тоа е истата таа пратеничка група, којашто дозволи Трајко Вељаноски, кој прекрши Устав, Деловник и закон, на 24 декември 2012 година, да остане собраниски спикер.
СДСМ го осуди инциднетот со навреди врз Љубица Буралиева.
Реакцијата на пратеничката група на Груевски којашто се стави во улога на МВР уште еднаш потврдува дека нема институции и дека се е ВМРО-ДПМНЕ“, се вели во писмената реакција на СДСМ на соопштението на пратеничката група на ВМРО-ДПМНЕ.
