СДСМ се менува во интерес на граѓаните а ВМРО-ДПМНЕ останува заглавена во матрицата на Никола Груевски, на деструкција и блокади. После сите порази и неуспеси, Мицкоски најмногу се плаши од промени. Мицкоски би останал слеп послушник на Груевски по секоја цена, тој не би менувал ништо, нема свое јас, нема капацитет, едноставно слуша што ќе му каже неговиот шеф и тоа за него е доволно и најважно, реагира СДСМ на денешната прес-конференција на Димче Арсовски од ВМРО-ДПМНЕ.
„На една страна се промените во СДСМ во интерес на граѓаните и напредокот а на друга страна е Мицкоски, деструкциите, блокадите и враќањето назад. Затоа СДСМ ја движи земјата напред, предводник на напредокот, интеграциите, развојот.
Затоа, само за 2 години со СДСМ и Зоран Заев од заробена држава станавме светол, блескав пример. Затоа за само 2 години на дофат е остварувањето на врвните стратешки и национални интереси, членство во НАТО и ЕУ.
Затоа економијата расте со рекордни стапки, се намалува невработеноста, растат платите и инвестициите, се повеќе пари завршуваат кај граѓаните. Тоа носат промените, напредок! Со Груевски и неговиот послушник Мицкоски на чело, ВМРО-ДПМНЕ може да се очекува само нови порази. Северна Македонија продолжува напред!“, се наведува во соопштението на партијата.
