„Веројатно од успесите на власта на Никола Груевски, Владата се соочи со огромното незадоволство во образованието, за што се употребуваат сите сили и средства да се задуши.
Сигурно поради успешните политики на Никола Груевски и неговите министри, само за 5 години од нивното владеење бројот на ученици во основното образование е намален за 27.000, а бројот на средношколци е намален за 5.000.
Поради успешните проекти на Груевски над 250.000 млади ја имаат напуштено Македонија во последните неколку години.
СДСМ ги поддржува барањата на СОНК што се легитимни и реални. Бараме власта да не глуми дијалог, туку сериозно да ги сфати наставниците и професорите.
СДСМ повикува, власта да не лаже дека наставниците кои штрајкуваат ќе останат без плати, а дека родителите кои нема да ги пуштат децата на училиште ќе бидат казнети со 2.000 евра. Тоа не го предвидува ниту еден закон.
СДСМ порачува дека сите кои прекршија Устав, закони, меѓународни конвенции, сите кои лажно се претставуваат и вршат притисоци, ќе одговараат“, се вели во писмената реакција на СДСМ, на реакцијата на ВМРО-ДПМНЕ на пресот на Петар Атанасов.