„Министерката за внатрешни работи, Гордана Јанкулоска, вчера, самата соопшти дека по патишта низ Македонија за изминатите 10 месеци, загинале 110 граѓани.
110 семејства се во црно!
Власта на ВМРО-ДПМНЕ до овој момент не излезе со анализа колку од овие сообраќајки се резултат на лошите патишта, на црните точки, на недостигот на соодветна сигнализација.
По 9 години власт, Никола Груевски и неговите соработници конечно најавуваат нови патишта.
Да имаа малку совест пратениците на ВМРО-ДПМНЕ, немаше да креваат рака за поддршка на владините милионски задолжувања за тркала и фонтани, додека испогинаа луѓе по патиштата во Македонија. И денеска ќе се срамеа да излезат пред нас граѓаните“, се вели во писмената реакција на СДСМ на пресот на В.Ѓорчев.