По повод Денот на крводарителите, СДСМ во Куманово одржа крводарителска акција на која учествуваа членови и симпатизери на партијата. Акцијата по 13-ти пат традиционално се одржа во соработка со Црвен Крст.
Претседателката на општинската огранизација на СДСМ од Куманово, Снежана Захариева истакна дека бројката од година во година се повеќе се зголемува.
На последната акција имаше 100 крводарувања, со што станавме рекордери и добивме благодарница од Црвен Крст Куманово. Исклучителна гордост ми е што социјалдемократите се хумани луѓе, што една акција која скромно започна прераснува во света традиција. Првпат се случува во предизборен циклус, дури размислувавме со нашето членство во агендата дали да го поместиме терминот, но сметаме дека не треба да се наруши една традиција – изјави Захариева.
Елена Георгиевска