Не ни очекувавме дека ВМРО-ДПМНЕ ќе каже нешто добро, а најмалку дека ќе го пофали конституирањето на Сојузот за иднината.
Напротив, овој стил на вербално препукување на владејачката партија е одраз на нивните изгубени и искривени вредности, погрешни проценки, а најмногу е резултат на нивниот страв од растечкиот гнев на граѓаните од нивните погрешни и криминални политики, се вели во одговорот од СДСМ на реакцијата на ВМРО-ДПМНЕ дека денешното здружување на опозицијата е лоша вест за иднината на македонските граѓани.
„Конечно, добронамерно му порачуваме на ДПМНЕ наместо да упатува прашања до нас, самите да си го постават прашањето како му успеа на нивниот шеф Груевски да ја обедини целата македонска опозиција против него“, се додава во соопштението на СДСМ.