Обвинителството отвори истрага за нов случај на криминал во Скопје 2014 односно со фасадата на Владата, повторно поврзан со најкриминалната партија ВМРО-ДПМНЕ и нивни поранешни функционери велат во соопштение од СДСМ.
– Како што е јавно објавено, приватна компанија со амин на тогашниот директор на Службата за општи и заеднички работи на Владата и близок соработник на Никола Груевски изгризувајќи го тендерот за реконструкција на објектот на Владата, остварил материјална корист од близу осум милиони евра. Тоа е истиот Никола Груевски на кој Христијан Мицкоски му бил советник а потоа и генерален секретар на ВМРО-ДПМНЕ. Покрај тоа што направил измама и го оштетиле државниот буџет, управителот на фирмата, како што се наведува, прибавил 144.000 евра кои според информациите во јавноста биле за ВМРО-ДПМНЕ. Истото лице купил три недвижни имоти и по далеку пониска цена им ги продавал на ВМРО-ДПМНЕ. Сето тоа во договор со раководството на партијата. Гази Баба, Центар Жупа и Крушево каде што ВМРО-ДПМНЕ се стекнала со недвижен имот за „џабал’к“ се вели во соопштението од партијата.