Христијан Мицкоски останува најнеуспешниот директор на АД ЕСМ и советник за енергетика на Груевски.Учинокот од неговите 12 години на раководни функции во енергетиката се покачување на струјата за 100 проценти, набавка на електрична енергија по три пати пивсока цена од пазарната, нула инвестиции во електроенергетскиот сектор. Што и да зборуваат од Белата палата, ништо не го пере Мицкоски за тоа што ја покачил струјата 100 проценти и тоа во време кога немаше ни економска, ни енергетска криза, се вели во партиската реакција на СДСМ, насочена кон денешната прес конференција на Марија Митева од ВМРО-ДПМНЕ.
„Лажно обвинуваат дека АД ЕСМ ги оштетила граѓаните. АД ЕСМ ги продава ноќните вишоци на струја на аукција, на која може да учествуваат сите заинтересирани страни и на која се избира најповолниот понудувач. Освен шпекулации и невистини ВМРО-ДПМНЕ и Мицкоски не знаат ништо друго, немаат идеја, немаат реални предлози за граѓаните.
За разлика од нив Владата предводена од СДСМ веќе година дена презема мерки за ублажување на ударот на кризата и растечките цени на електричната енергија.
Се субвенционира и до 80% цената на струјата за граѓаните. Домашното производство на електрична енергија е зголемено, а тука е и мерката за намалувањето на ДДВ-то за струја од 18 на 5 проценти.
Така, цената на електричната на енергија на регулираниот пазар кај нас е 5 пати пониска во однос на пазарната цена на струјата – поради поддршката која државата ја дава за домаќинствата и дел од компаниите кои се мали потрошувачи“ нагласуваат од СДСМ.
