Невообичаена дипломатска практика е во една недела и претседателот и премиерот на една држава да имаат две одвоени посети на една земја, велат од СДСМ, откако претседателот Ѓорге Иванов одлучи да не замине на прославата на 100-годишнината од албанската независност во среда во Тирана.
„Но, она што дополнително не е јасно во целата оваа работа е како тоа Иванов планирал да присуствува во Тирана на прославата на стогодишнината на албанското знаме и албанската држава, а кога се организираше истовремено таква една прослава во Скопје, тој како домаќин не оствари средба ниту со премиерот на Албанија, ниту со премиерот на Косово?”, изјави Јани Макрадули, член на Извршниот одбор на СДСМ.