Во овие празнични денови, на Велигден Владата ги остави без плата работниците во културата, вработените во Центрите за социјална работа, работниците во Државниот трудов инспекторат, Државниот пазарен инспекторат, во Министерство за економија, вели потпреседателката на СДСМ Кристина Костова.
– ДПМНЕ грубо и без грам совест го крши законот за исплата на плати на сите вработени до 15 во тековниот месец за претходниот месец. Или за Владата на Мицкоски не важат законите или воопшто не им е грижа за работниците. Платата не е награда, таа е основно загарантирано законско право на секој работник. До таму дојдовме да во Македонија веќе не се зборува за економски развој, туку дали власта може да ја исполни законската обврска – исплата на заработената плата. За Владата може да има папаја, манго и луксузи- за работникот трошки на софрата. Ова е врв на неодговорност и неспособност. Вработните во јавниот сектор заслужуваат да ја знаат вистината- зошто не им е исплатена платата и кој ќе сноси одговорност за тоа? Бараме итна исплата на платите на вработените во јавниот сектор. Доистоинството и законското право на работниците не смее да зависи од неспособноста на Владата, рече Костова.