„Лекарскиот егзодус го предизвикаа политиките на Никола Груевски. Тоа е јасно.
За неполни 10 месеци дури 115 лекари заминале од земјава, оваа година. Се покажа односот на власта кон здравствените работници но и кон најважната, најдрагоцената работа, здравјето на граѓаните.
Откако реагираше СДСМ сега ВМРО-ДПМНЕ го признава проблемот со одлив на стручни лекари од земјава но очигледно нема ниту знаење ниту капацитет да го реши.
Власта повеќе не може да ја покрива реалноста дека токму нејзините промашени политики во здравството и докторите ги направи печалбари“, се вели во писмената реакција на СДСМ, на соопштението на ВМРО-ДПМНЕ.