Јавноста ја дозна вистината за кандидатката на ВМРО-ДПМНЕ и кадар на Груевски, Данела Арсовска. Сите нејзини лаги се целосно разобличени. Сѐ што сакаше да сокрие Арсовска излезе на виделина рече на прес конференција портпаролката на СДСМ Богданка Кузеска.
„Овој нечесен, неодговорен однос е потценување на граѓаните и жителите на Скопје. Ваквото однесување е одлика на режимската матрица на ВМРО-ДПМНЕ чиј кадар и кандидат е и самата Данела Арсовска. Скопјанки и скопјани нема да дозволат ВМРО-ДПМНЕ и Левица да го уништуваат градот. Во недела граѓаните ќе ги поразат остатоците од режимот поддржани од лажните левичари од Левица. Од гласот на граѓаните в недела зависи и мнозинството во градскиот совет. Ништо не е завршено, битката во Скопје е во недела по што ќе видиме кој има реално мнозинство“ – рече Кузеска.