„Ако за Министерството за труд и социјална работа пропишани стандарди се мали канцеларии со по 4 до 7 вработени внатре, пред кои граѓаните се приморани да зборуваат за своите специфични приватни проблеми, тогаш дефинитивно власта на Груевски не само што го изгуби, туку не може ни да го врати контактот со реалноста.
Во реалноста, во центрите за социјална работа нема ниту можност за индивидуална работа со граѓаните. Нема можност заукажување на потребната помош за советување, разговор, психо-социјална помош. Тука, децата, кои се жртви на злоупотреба, во нов стрес ги споделуваат своите стресни искуства.
Самото оправдување на ресорното министерство дека било во план реновирање на 25 центри за социјална работа во некое идно време покажува колку оваа власт се грижи за граѓаните.
„Ќе“ политиките на власта на Груевски го згазија достоинството на граѓаните, не само за камен, туку за нивни бизнис интереси“, се вели во писмената реакција на СДСМ, на реакцијата на Министерство за труд и социјална политика за пресот на Мила Царовска.
.