„Под секое човеково и професионално достоинство се судските тужби на Стевчо Јакимовски во коишто се жали дека пресовите на СДСМ за спортските гаќи влијаеле на катастрофалниот изборен резултат на неговата партија ГРОМ за време на изборите.
Непомирлив со изборните резултати, Јакимовски на судот му испратил дури и графикони со споредби на неговите рејтинзи, за чиј вртоглав пад му се виновни пресовите за тендерите од 120.000 евра за спортски гаќи, што ги држеше координаторката на пратеничката на СДСМ, Магдалена Несторовска.
Стевчо Јакимовски ја направи општина Карпош рекордер во долгови од околу неверојатни 9 милиони евра, поради што се доцни со плати и паушали, како и со реализација на Програмата за развој на општината.
Јакимовски се радува дека е златна акција во Парламентот на Никола Груевски.
Го упатуваме тука да ја насочи својата анализа за загубата на последните избори, коишто му покажаа каде му е местото“, се вели во соопштението на СДСМ.
