„Никола Груевски нема никакво право да се изедначува со народот. Тој на претседателските и на парламентарните избори изнесе на гласање граѓани со употреба сила, притисоци, закани и уцени што е регистрирано од целата меѓународна заедница, ОБСЕ/ОДИХР, ЕУ, САД.
Груевски добро знае дека и судството е под негова целосна контрола, а тој конструира случаи кадешто не постојат, што е исто така регистрирано од повеќе релевантни меѓународни организации.
Никола Груевски, разбирливо, е нервозен за поткупот во кој е фатен што е кривично дело. И треба да биде нервозен, зашто никој не избегал од правдата и вистината.
СДСМ работи и ќе продолжи да работи исклучиво за интересите на граѓаните и Република Македонија“, се вели во писмената реакција на СДСМ, на соопштението на ВМРО-ДПМНЕ.
