„Најостро ги демантираме лагите на „Курир“ дека кандидатот за градоначалник од „Сојузот за иднината“ за Ѓорче Петров, Александар Наумоски делел брашно и поткупувал гласачи во предизборната кампања. Во Ѓорче Петров тоа е одлика на Сокол Митровски и ДПМНЕ кои и денеска грубо го кршат изборниот законик и асфалтираат улици и поставуваат водоводна мрежа.
– Сликите кои ги објави интернет порталот „Курир“ се направени во месец декември, минатата година што покажува дека „Курир“ дојде дотаму што ги злоупотребува и хуманитарните акции. Едната фотографија е од новогодишната хуманитарна акција, кога се уште не се знаеше дали Наумоски ќе биде кандидат за градоначалник, а втората е од посетата на едно од хендикепираните лица во Ѓорче Петров, изведена на денот на хендикeпираните.
– Патем, сликите кои порталот „Курир“ ги користи се лична сопственост на Александар Наумоски и се наоѓаат на неговиот фејсбук профил. Со објавувањето на тие фотографии е прекршен законот за заштита на лични податоци, како и уште неколку закони кои ги опфаќаат авторските права. Во прилог ви испраќаме и „принт скрин“ од неговиот фејсбук профил, а патем и вие може да се информирате за сите негови претходни активности на неговата фејсбук страна“, се вели во писмената реакција на СДСМ на објавата на порталот „Курир“.