„СДСМ за 2.5 години зад себе има долга листа на исполнети ветувања кои носат исклучиво придобивки за државата и граѓаните.
Деструктивните политики, раскараноста со соседите, руинираната економија и осиромашените граѓани се минато со заминување на ВМРО-ДПМНЕ во опозиција.
Фактите потврдуваат дека СДСМ за 2.5 години направи повеќе за државата од тоа што ВМРО-ДПМНЕ го направи за 11 години.
Факт е дека нашата држава е светол пример во регионот со отворени врати за членство во НАТО и ЕУ“, се вели во соопштението на СДСМ.
„Факт е дека економските реформи на СДСМ ја стабилизираа економијата, трошоците интензивно се намалуваат и се повеќе пари завршуваат назад кај граѓаните.
Факт е дека невработеноста достигна најниска историска стапка од 17.1 отсто.
Факт е дека без потрошено едно евро имаме странски инвестиции во износ од 741 милион денари за само 2.5 години.
Факт е дека се носат одлуки и закони во корист на граѓаните.
Граѓаните знаат дека на 12ти април ќе бираат меѓу интеграции и развој, наспроти изолации и заробеништво, граѓаните ќе бираат меѓу концептот на СДСМ кој враќа пари кај граѓаните и деструктивната матрица на ВМРО-ДПМНЕ која осиромашува.
Затоа на 12ти април граѓаните ќе испратат силна порака дека се одлучни да продолжиме по прав пат кој носи подобар живот за сите.
Граѓаните знаат дека со СДСМ се на прав пат!“, соопштуваат од СДСМ.