СДСМ со писмено соопштение реагира на прес-конференцијата на Спиро Ристовски од ВМРО-ДПМНЕ.
„Екстерното тестирање ќе остане забележано како една од најголемите антиреформски мерки спроведена од ВМРО-ДПМНЕ. Екстерното тестирање правеше само штети и се користеше за казнување и за вршење притисоци на наставниците, а поради тоа од стрес страдаа децата, родителите и наставниците.
Преку избрзани, гломазни и нефункционални проекти кои беа на штета на учениците, наставниците и родителите, ВМРО-ДПМНЕ го урниса образовниот систем. Доказ за тоа се и дел од учебнциите кои содржат нелогичности и катастрофални грешки во содржините, како и ПИСА тестирањето, каде што поради лошиот образовен систем, учениците од Македонија имаат едни од најлошите резултати по писменост во светски рамки.
Новата Влада предводена од СДСМ, ќе изгради образовен систем по успешни европски практики во соработка со сите засегнати страни.
Наместо насилно наметнување на несоодветни експерименти како Кембрич програмата и екстерното тестирање, сите идни мерки ќе се носат преку јавна дебата со сите засегнати страни, а реформите ќе бидат исклучиво во интерес на наставниците, професорите , учениците и нивните родители“ се вели во соопштението на СДСМ.