„Владеењето на ВМРО-ДПМНЕ и ДУИ го уништи и меѓународниот углед и достоинството на сите нејзини граѓани.
Шестгодишната коалицијата помеѓу ВМРО ДПМНЕ и ДУИ е со катастрофални последици за Република Македонија. Државата е целосно уназадена, оддалечена и од ЕУ и од НАТО, економски опустошена.
Претставниците на ДУИ, оправдувањето за своите вазалски политики и конфузни постапки во интерес на Никола Груевски, безуспешно го бараат во напади насочени кон опозицијата.
ДУИ е партијата што заедно со Никола Груевски глумеше конфликт за распишување, а потоа и ги аминуваше криминалните избори и системскиот грабеж за фалсификување на волјата на граѓаните.
Само еден ден пред официјализирање на новата Влада со ВМРО-ДПМНЕ, чиешто формирање го критикуваше и самата, Ермира Мехмети од ДУИ сака да зборува за угледот на државата.
Бидејќи Мехмети е член на собраниската Делегација во Советот на Европа нека одговори со кој образ ќе оди во Брисел и како ќе го објасни фактот дека во Македонија се спроведуваат криминални избори и владее режим“, се вели во писмената реакција на СДСМ на изјавата на Ермира Мехмети од ДУИ.