„Ги осудуваме инцидентите што се случија вчера на фудбалските натпревари за Купот на Македонија.
Тепачките, каменувањата, навредите на национална и етничка основа се недозволиви во едно нормално демократско општество.
Врз младите е најголемиот притисок од погрешните политики на власта на Никола Груевски на поделби, конфликти, меѓуетнички тензии и раздор во општеството по различни основи.
Целата власт на Никола Груевски создава поделби, не превзема никакви превентивни мерки, а сега, откако инцидентите се случија, молчи.
Зошто молчи и ФФМ?
Повикуваме на брза и соодветна реакција од надлежните и создавање услови за мирно продолжување на спортските натпревари.
Доста се поделби, омраза, предрасуди што резултираат со крвави глави. Младите имаат потреба да живеат во толерантно, слободно и демократско општество“, се вели во соопштението на СДСМ.