„Вчера градоначалникот Талески повторно манипулираше со јавноста одбегнувајќи да даде јасен одговор. Но со оглед на тоа дека токму тој ги назначува директорите во образованието нека одговори чесно и без инсинуации: зошто вчера немаше греење во основното училиште Климент Охридски?
Исто така нека одговори јасно и недвосмислено: дали и зошто средното техничко училиште должи:
-2 милиони денари за греење; 530 илјади денари за вода;
– 300 илјади денари за струја;
– 4.000 денари за телефон и
-96 илјади денари за нискоградба,
или вкупно 2 милиони и 930 илјади денари.
Исто така прашуваме, дали средното економско училиште должи:
– 1 милион и 600 илјади денари за греење;
– 80 илјади денари за струја; 240 илјади денари за вода;
– 46 илјади денари за нискоградба;
– 12 илјади денари за телефон;
– или близу 2 милиони денари.
Според реториката што ја користи, Талески или не си ја познава работата или нешто крие, па затоа уште еднаш ќе го прашаме: Каде ги потроши 200 милиони евра буџетски пари во овие 8 години и на кој начин ќе ја реши оваа очајна ситуација“, изјави Оливер Николоски, советник во општина Битола.