„Ние како СДСМ продолжуваме со серијата на пресконференции со кои сакаме да го потсетиме градоначалникот Талески за сите негови лажни ветувања. Сообраќајниот хаос станува неподносливо секојдневие за граѓаните на Битола.
– Несредениот јавен и такси превоз, лошата хоризонтална и вертикална сигнализација, недостатокот од паркинг простор и оштетените улици, се вистинската слика за неспособноста и негрижата на локалната власт предводена од ДПМНЕ и Талески. Посебна приказна се урбанистичкиот хаос и спората изведба и на наједноставните градежни работи кои траат цела вечност.
– Не дај боже да започневте некој покрупен градежен зафат! Низа проекти ветени во изминативе години, со кои требаше да се подобри функционирањето на градот, останаа само празни предизборни ветувања и ефтини приказни“, изјави Методија Тасевски.