Делегација на ОО СДСМ Битола составена од Васко Ковачевски – Претседател, Методија Тасевски – член на ЦО на СДСМ и Бисера Костадиновска – члена на НО на СДСМ, положи свежо цвеќе пред Споменикот на сите паднати борци.
„Денес е голем ден, денес е роденденот на Републиката! Пред 22 години, на 8-ми Септември македонските граѓани преку референдум со огромно мнозинство го потврдија сопствениот стремеж, сонот на предходните генерации, ја прогласија Македонија за самостојна, суверена и независна држава. Денес даваме почит кон сите оние кои и во Илинденското востание, и во Народно ослободителната војна го дадоа својот живот за една и единствена цел – слободна и независна Македонија.
– Исто така, даваме почит кон ликот и делото на Киро Глигоров, првиот Претседател на независна Република Македонија, творецот на нашата независнот, таткото на нацијата. Сите ние, да се потрудиме во наредниот период Македонија да биде послободна, подемократска и интегрирана во евроатланските институции. Таква Македонија, надежна и просперитетна да ја оставиме на следните генерации.
– Во името на Социјалдемократскиот сојуз на Македонија, упатувам честитка до сите граѓани на општина Битола, нека е честит и вековит денешниот ден. Да живее Република Македонија“, изјави Васко Ковачевски.