„И основното образование во општина Битола има огромни финансиски долгови. За жал, натрупаните долгови негативно се одразуваат врз учениците и професорите, кои ги немаат потребните финансиски средства за непречено и квалитетно одвивање на наставата“, рече на прес конференција Оливер Николоски, советник во општина Битола.
СДСМ и денес продолжува со обелоденување на финансискиот колапс во битолското образование, ставајќи акцент на основните училишта.
Се поставува прашањето дали и зошто основните училишта: „Кирил и Методиј“, „Стив Наумов“, „Елпида Караманди“ и „Ѓорги Сугарев“ должат:
- За греење: 6 милиони и 900 илјади денари;
- За вода: 1 милион и 200 илјади денари;
- За Струја и телефон: 63 илјади денари; и за
- Нискоградба: 154 илјади денари;
Ако со молчењето, Талески и ДПМНЕ даваат потврда дека ова е точно, тогаш само овие 4 основни училишта имаат вкупен долг од 8 милиони и 317 илјади денари или 136 илјади евра.
Но и покрај ингорантскиот однос на власта кон ова суштинско прашање, ние упорно продолжуваме да прашуваме:
- Каде и за што во овие 8 години Талески потроши 200 милиони евра од буџетот?
- Зошто дозволи училиштата да тонат во долгови?
- И како и кога мисли истите да ги врати?