Од СДСМ преку соопштение велат дека Данела Арсовска се обидува да глуми независна, но дека секојдневно се потврдува како кандидат на ВМРО-ДПМНЕ назначен директно од Груевски.
„И Арсовска исто како Груевски бега од новинарски прашања или не дозволува да и бидат поставени, бега од соочување со јавноста и користи иста реторика како онаа од Белиот дворец.
Со таков однос Арсовска не може да понуди ништо добро за Скопје, ВМРО-ДПМНЕ партијата чиј кандидат е 27 години го уништуваше Град Скопје и граѓаните нема да им дозволат тоа веќе да се повтори.
Арсовска е избрана само за да го понесе поразот во Скопје. Мицкоски не може да побегне од казната што скопјани ќе му ја испорачаат без разлика колку упорно се обидува да ги прелаже со стари истрошени трикови“, велат од СДСМ.
