Од СДСМ преку соопштение реагираат на изјавата на Силвана Ангелевска од ВМРО-ДПМНЕ.
„АД ЕСМ спроведува мерки за штедење во рамките на својата организација, наместо да наметнува рестрикции за граѓаните и други мерки за широката јавност и тоа е чекор кој треба да се поздрави.
АД ЕСМ не отпушта вработени, и тоа компанијата јасно го соопшти. Користењето на мерката на привремен принуден одмор е законска алатка за привремено намалување на трошоците, додека вработените кои ќе бидат на принуден одмор остануваат и натаму во редовен работен однос, но не извршуваат работни задачи, и примаат 70% плата.
ВМРО ДПМНЕ можеби стравува за дел од своите партиски војници кои ги вдомуваше во државните институции низ годините, а кои немаат допирна точка со стручност и неопходност за работниот процес“, се наведува во соопштението на СДСМ.
