Сарчиево пак ќе се трка за Гинис. Ќе се урива рекородот во варење грав во еден сад. Македонското гравче пред две години со 3150 литри беше запишано во книгата на рекорди, но многу кратко остана на врвот. Американците од градот Пинсон поставија нов рекорд од 3823 литри.
„Минатиот пат имавме 20.000 гости, па затоа решивме и да ја зголемиме количината. Очекуваме дека тоа ќе биде околу 550 литри, што значи повеќе од минатиот рекорд“, вели Стојан Давчев, организатор.
За да се собере новата количина, ќе се надградува и казанот. Дијаметарот од два метри ќе остане ќе се оди само во височина, па сега огромниот казан ќе биде висок два метри и 40 сантиметри.
„На сегашните метар и 30 со посебни потпирачи ќе го доградиме за уште еден метар и десет сантиметри. А бидејќи минатиот пат имавме проблеми со плинот, ќе се направи посебно куќиште со огноотпорен материјал“, вели Санде Давчев, организатор. Организаторите не откриваат, но велат дека рецептот ќе биде сличен на оној што го подготвија пред две години. Но што се ќе се потроши да се урне новиот рекорд се уште се пресметува. Но сигурно ќе биде многу повеќе од она што се потроши при поставувањето на минатиот рекорд, кога во казанот завршија 400 тони грав, 200 килограми сланина 70 килограми зејтин и 40 килограми кромид сето тоа зготвено во 2,5 тони вода.
Виолета Кожинкова