Во прислушуваните материјали има и разговор меѓу Миле Јанакиески и Влатко Чинговски, ексдиректорот на ЕЛЕМ.
Миле му барал сајли од ЕЛЕМ за да ги сечат столбовите на „Космос“. Миле на Чинговски му вели: „Сајли имате ли? Нешто влечеме, праиме? Сајла за влечење столбови…“
На 4-ти август 2011 година, Чинговски му потврдува на Јанакиески дека обезбедил две сајли од ТЕЦ Осломеј.
„Еве сега ги пакуваат таму, бараат шофер и ќе ги донесе”.
Чинговски вели дека сајлите биле по 40 метри.
Во друг разговор Миле Јанакиески и Груевски разговараат за нон-пејпер, за да се оправдаат пред странците за уривањето на објектот.
Миле Јанакиески и Никола Попоски на 4 август 2011 година разговараат за содржината на нон-пејперот. Попоски вели дека содржината на документот е во ред.
„Мислам дека баш така треба да им се одговори”, вели Попоски.
За содржината на документот биле запознати и Никола Груевски, Гордана Јанкулоска, Никола Тодоров и ексвладиниот портпарол, Александар Ѓоѓиев.
Васко Маглешов