Апелациониот суд ќе ја разгледува жалбата на екс- министерот за транспорт и врски, Миле Јанакиески, обвинет во случајот „Титаник“ за 4 кривични дела.
Јанакиески преку жалбата до Апелација си го бара пасошот назад, кој му беше одземен по изрекување на мерка за претпазливост од страна на Основниот суд, додека пак СЈО бара притвор за поранешниот министер.
Адвокатот на СЈО, Бурим Рустеми побара притвор за Јанакиски поради опасност од бегство и да влијание врз сведоци и соучесници.
-Има висока позиција во ВМРО-ДПМНЕ и постои веројатност да влијае врз сведоците, вели Рустеми.
Обвинетиот Миле Јанакиески изјави дека не ја опструира постапката, лично го доставил својот телефонски број до СЈО и ќе биде достапен за обвинителството.
Тој исто така пред судиите и обвинителите се пожали дека 27 илјади страници докази не може да се прочитаат за кратко време.
Виктор Јованов