Шефицата на Обвинителството за гонење организиран криминал и корупција, Вилма Русковска дојде во Советот на јавни обвинители да образложи зошто Катица Јанева е осомничена пред членовите на Советот.
Претседателот на Советот, Коле Штерјев, на влегување во зградата рече дека не сака да го коментира исходот од седницата.
Советот за јавни обвинители денеска треба да одлучува дали ќе започне постапка за разрешување на Специјалната јавна обвинителка Катица Јанева која во моментов е во притвор за предметот „Рекет“.
Седницата на Советот ќе биде затворена за јавноста поради тајноста на истражната постапка којашто се уште е во тек.