Росоман ќе има втор круг од изборите, откако во првиот круг кандидатот на СДСМ и коалицијата Бранко Јанев освои 1.338 гласа, а неговиот противкандидат Стојанче Лазов од ВМРО-ДПМНЕ и коалиционите партнери, доби 1.241 глас.
Претседателот на Општинска изборна комисија Лазар Симоновиќ денеска соопшти дека вчера гласале 2.711 избирачи, а излезноста изнесува 79.50 отсто.
– Народно движење за Македонија доби 320 гласа и еден советник, ВМРО-ДПМНЕ и коалиционите партнери 1.045 гласа и 4 советнички места, Левица освои 256 гласа и едно место за советник, а СДСМ и коалицијата со 945 гласа се здоби со три советнички места, информираше Симоновиќ.