Роднините на припадниците на вооружената група кои беа убиени во судирите во Куманово, одржаа протест во средата пред зградата на владата на Косово и побараа од Македонија да им ги предаде телата на нивните роднини.
Околу 500 до 600 Албанци, роднини на косовските граѓани кои беа убиени во Куманово, со минутао молчење оддадоа почит на сите убиени, пренесе Макфакс.
Од оваа вооружена група многумина се наоѓаат во македонските затвори.
Братот на убиениот Мирсад Ндрецај рече дека неговиот брат отишол во Македонија да се бори за правата на Албанците, а не за пари.
На протестите учествуваа поранешни припадници на ОВК, како и неколку пратеници од редовите на Алијанса за иднината на Косово и Самоопределување.
Претседателот на ветераните на ОВК, Џавид Јашари рече дека оние кои се бореле во Куманово се херои.