Родители и средношколци организирани преку иницијативата „Учебници и настава мора да има“, попладнево го почнаа својот протестен марш пред Министерството за образование и наука, беа пред Владата, а потоа пред Собранието. Во исто време, протести се одржуваа и во уште 18 македонски градови,
Пред Собранието, тие испратија пораки до пратениците и до ресорното Министерство да ги повлечат, како што велат, сите најавени образовни реформи кои треба да стапат во сила од новата учебна година.
Родителите изјавија дека се против дигитализација на учебниците онака како што е најавено и додадоа дека проблем претставува и воведувањето предмет сексуално образование. Тие добија поддршка од организацијата „Средношколски глас“.
Максим Крстевски од „Средношколски глас“ посочи дека министерката Царовска сѐ уште не го слуша нивниот револт.
-Видовме дека онлајн наставата не вроди со плод. Дигитализација да, но не на ваков начин и не преку ноќ. Учебници мора да има и мора да се вратиме во училишните клупи, изјави Кртевски.