Реализираните и очекувањата за идните проекти во образованието, беа тема на денешните средби на заменик министерот за образование и наука и член на ВМРО-ДПМНЕ Спиро Ристовски со жители во повеќе населени места во општина Ѓорче Петров.
– Ќе продолжиме да ги реализираме сите активности што досега сме ги реализирале и ќе ја подобруваме вкупната образовна инфраструктура. Истовремено би сакал да поразговараме со граѓаните во однос на досега реализраните проекти и она што значи реализација на проекти во следниот период, кои се очекувањата од ВМРО-ДПМНЕ како политичка партија, изјави Ристовски.
На граѓаните на Македонија, додаде, им е доста од оваа деструкција и негативен политички набој којшто постои во изминатите две години и беше продуциран од опозицијата.
– Граѓаните сакаат и заслужуваат да продолжи вкупниот развој на Република Македонија на сите полиња. Македонија има сила да излезе од оваа деструкција, а на 11 декември граѓаните ќе го дадат најдобриот одговор за таквата ситуација и јас сум убеден дека ВМРО-ДПМНЕ ќе освои 63 пратеници и оти на тој начин ќе можеме да продолжиме со севкупниот развој на Македонија на сите полиња, рече Ристовски.
