Државната изборна комисија ја презакажа денешната седница на која требаше да заземе официјален став по објавувањето на изборните ”бомби” од страна на лидерот на СДСМ, Зоран Заев.
Актуелниот претседател на ДИК, Никола Рилковски во изјава за „Слободен печат“, вели дека нема да ги игнорира информациите што ги објавува опозицијата, а се однесуваат на изборните нерегуларности.
– Секако дека Државната изборна комисија ќе ги разгледуваа овие информации, но да почекаме да чуеме се што има опозицијата да каже, а потоа ќе свикам седница“, вели Рилковски за за „Слободен печат“.
За да се утврди дали во целост бил нарушен изборниот процес, според членовите на ДИК, треба да се направи поширока анализа.
