Рикер: Направивте многу, очекуваме наскоро да станете 30-та членка на НАТО и да добиете датум за преговори

Од:

Северна Македонија преку Преспанскиот договор покажа пример за храбри решенија на проблемите и способност за придвижување напред кон позитивна и светла иднина. Во САД со восхит се гледа на она што вие и вашата земја го направивте. Во тој дух земјата треба да продолжи, а опозицијата да се вклучи во процесите. Земјата треба да овозможи владеење на правото и да покаже дека никој не е над законот, изјави денеска в.д. помошникот државен секретар на САД за Европа и Евро-Азија, Филип Рикер по средбата со премиерот Зоран Заев.

Тој очекува наскоро на Самитот во Лондон земјава да стане 30-та членка на НАТО, а очекува на есен да го добие датумот за преговори со ЕУ. САД, како што рече, иако не се дел од ЕУ, постојано и давваат поддршка на Северна Македонија на тој пат, но и на билатералните средби со земјите членки ги поттикнуваат есенва државата да го добие долгоочекуваниот датум за преговори.

Имате, додаде тој, постигнато многу и треба да ги исполните зададените критериуми.

– На денешната средба со премиерот Заев ја подвлековме важноста од донесувањето на законот за јавно обвинителство. Имаме добра основа во предлогот и се радувам на неговото изгласување. Се надевам дека овој процес ќе заврши брзо заедно со опозицијата. Се надевам дека опозицијата, не само тука и во другите земји ќе биде витална за нивната иднина. Ова е одличен момент за сите да се здружат и да го завршат процесот, рече Рикер.

Во истовреме треба да обезбедите истрагите да бидат транспарентни, бидејќи како што потенцира, граѓаните го почитуваат тоа. Треба да и се покаже на јавноста дека владеењето на правото е од клучно значење и никој не е над законот.

Премиерот Зоран Заев е задоволен што Северна Македонија наскоро ќе стане членка на НАТО, што, како што рече е една од стратешките определби на земјата. Тој верува и дека земјава наскоро ќе го добие долгоочекуваниот датум за преговори.

– Сите навестувања се дека во окотмври ќе стигне долгочекуваната одлука за старт на преговоирте. Никој не сака нови разочарувања и изневерени ветувања, ниту во ЕУ, ниту дома, ниту во регинот. Никој не сака да се отвори шанса за зголемено влијание на недобронамерните страни во земјата и регионот. Сите го очекуваат признанието за исполнетите демократски реформи за најдоброто можно решене, за прашањето за соседите и за определбата на нашата земја да биде дел од западниот демократски свет, рече Заев.

Би можело да ве интересира

Во Охрид се собраа Рикер, Ципрас, Заев, Димитров…

Жарко Настоски

Рикер од Тирана ја потврди „силната поддршка“ на САД за борбата против корупцијата

Жарко Настоски

Рикер утре во Тирана, ќе се сретне со Рама и Баша

Жарко Настоски

Рикер: Северна Македонија има глас во најмоќната Алијанса, САД стојат покрај вас

Рикер: Членството на Северна Македонија во НАТО е огромен исчекор по историскиот Преспански договор

Жарко Настоски

Амбасадата на САД на Твитер објави дел од писмото на Рикер до Заев

Ана Ололовска