Решението на Апелација за Сашо Мијалков да биде пуштен од затворскиот притвор стигнало во Кривичниот суд и во текот на денот ќе биде доставено и до Затворот во Шутка.
„Ја информираме јавноста дека Апелациониот суд Скопје до Основниот Кривичен суд Скопје, доцна попладенво, достави решение со кое Второстепениот суд ја прифатил жалбата на обвинетиот С.М., изјавена против решението на Кривичниот совет со кое се прифаќа предлогот на Јавниот обвинител за определување мерка притвор против обвинетиот во предметот со КОК 63/21 во јавноста познат како „Плацеви на Водно“.
Според решението на Апелациониот суд, жалбата на обвинетиот се прифаќа, а првостепеното решение се преиначува така што притворот спрема обвинетиот се укинува и се налужува истиот веднаш да биде пуштен да се брани од слобода.
Решението на второстепниот суд во текот на денов ќе биде експедирано до странките во постапката и КПД Затвор – Скопје“, велат од Кривичниот суд.
