Репортери без граници: Македонија на 57 место според светскиот индекс за слобода на печатот за 2022

Од:

Во извештајот на Репортери без граници и според нивниот светски индекс за слобода на печатот за 2022 година, Србија е рангирана најлошо од сите земји на поранешна Југославија, иако се искачи за 14 места на скалата во споредба со извештајот од 2021 година. Годинава ја зазеде 79-та позиција и е во категоријата „проблематични“ земји.

Хрватска се најде на 48. место и во категоријата „задоволува“, додека Словенија на 54. место и меѓу „проблематичните“ земји, како и Северна Македонија на 57. место, Црна Гора на 63. и Босна и Херцеговина на 67. место. Во регионот на Западен Балкан само Албанија (103 место) е полошо рангирана од Србија.

Според индексот за слобода на печатот кој е објавен во извештајот за 2022 година, Северна Македонија бележи скок од 33 места, односно од 90 во 2021 година на 57 место оваа.

Според Светскиот индекс на медиумски слободи објавен од Репортери без граници, во светот се случува двојна поларизација, интензивирана од информацискиот хаос, а таа е присутна и во одделни земји и во односите меѓу земјите на меѓународно ниво.

Извештајот за 2022 година, што ја проценува состојбата на новинарството во 180 земји и територии, укажува на катастрофалните ефекти од информацискиот хаос што произлегува од глобализираниот и нерегулиран онлајн информативен простор, кој поттикнува ширење на лажни вести и пропаганда.

Норвешка останува на врвот на светскиот индекс за слобода на печатот во Европа. Најслабо рангирани се Северна Кореја (180), Еритреја и Иран. До нив се Мјанмар (176) и Кина (175 место).

Извор: МИА

Би можело да ве интересира

Македонија напредува во слободата на медиумите, но новинарите се под притисоци на политичарите и бизнисмените според Репортери без граници

Катерина Ѓуровски

Репортери без граници: Зголемен бројот на новинари во затвори, годинава 533

Ана Ололовска

Грчката Влада бара одговори од Репортери без граници за 108-то место на Грција во извештајот за слободата на медиумите

А1он

РСФ: Во 2021 година затворени се 488 медиумски работници

Ана Ололовска

Белоруските новинари се во катастрофална ситуација, предупредуваат Репортери без граници

Жарко Настоски

„Репортери без граници“: Македонија две места погоре на листата, критики за државните реклами во медиумите

Жарко Настоски