ДПМНЕ се врати – слободата на медиумите замина.Секогаш кога ВМРО-ДПМНЕ е на власт, слободата на медиумите се гуши, новинарите се под притисок, а медиумскиот простор се стеснува. Денес тоа повторно се случува, вели портпаролката на СДСМ Богданка Кузеска.
– „Репортери без граници“ алармираат дека новинарите се изложени на закани и напади, а владините функционери покажуваат понижувачки ставови кон медиумските работници. Наместо да ги унапредува демократските стандарди, Владата предводена од ДПМНЕ ги враќа добро познатите методи на контрола, притисоци и страв. Ова е јасен аларм за загрижувачката насока во која оди државата под власта на ДПМНЕ. Ја повикуваме јавноста, граѓанските организации и меѓународната заедница на будност, ова се загрижувачки тенденции. Слободата на медиумите е темел на секое демократско општество и не смее да биде жртва на партиските апетити и авторитарните амбиции на ДПМНЕ, рече Кузеска на прес конференција посветена на најновата листа за слобода на медиумите што ја објави „Репортери без граници“.