Димитров прати порака дека е крај на ерата на поделбите и конфликтите, рече Фросина Ременски, на собраниската сеница на која на дневен ред е интерпелацијата за министерот за надворешни работи, Никола Димитров.
„Оваа дебата е добра да видиме дали сме излегле од роговите на патриотизмот. Улогата на министерот во градење на угледот на Македонија никој не може да се оспори. Во многу настани сме се разминувале, но имаме исти мислења. Можете да му залепите епитети, но не можете да му ја оспорите работата во кариерата“, рече Ременски.
Таа додаде дека Димитров има визионерство и знаење да затвори еден децениски проблем.
„Тој не е класичен политичар, туку познавач на проблемите, тој ги знаеше тие нарушени односи. Тој кажа вистини, ние како политичари не излегуваме од тие почитички рогови. Тој ја следи идејата и визинерството. Во 21 век не ја прифаќам поделбата на предавници и патриоти. Министерот да биде горд за сето она што го направи. Тој научи да ги надмине предрасудите и да стави крај на реториката која оди во конфликт“, рече Ременски.
Габриела Димковиќ-Мишевска