Министрите за надворешни работи на ЕУ утре ќе се состанат во Луксембург на седница на Советот за надворешни работи на ЕУ.
На дневен ред ќе се најде актуелната состојба во меѓународните односи, вклучувајќи ги и резултатите од 73-тото Генерално собрание на ОН.
Министрите ќе разговараат за референдумот, кој неодамна се одржа во Македонија, како и за изборите во Босна и Херцеговина, кои се одржаа на 7-ми октомври.
На дневен ред ќе бидат и миграцијата и ситуацијата во Либија.
Руски медиуми, повикувајќи се на шефот на Комитетот за надворешни работи на Советот на Руската Федерација, Константин Косачев, јавија дека утре министрите официјално ќе ги одобрат новите санкции кон Русија за наводно користење хемиско оружје.